Астанада жылыту маусымы аяқталды

Астана ғимараттары мен үйлерде жылыту жүйесі қыркүйектен бастап мамыр айына дейін істеп тұрды

АСТАНА, 10 мамыр — Sputnik. Елордамызда 10 мамырдан бастап 2017-2018 жылдардағы жылыту маусымы аяқталды, деп хабарлады "Астана-Теплотранзит" АҚ.

"Жылыту маусымын ұзартқысы келетін тұрғындар жылу энергиясы үшін төлейтіндерін кепілдендіретін жазбаша өтініш әкелуі тиіс", — деп атап өтті компания.

Толығырақ ақпарат алу үшін келесі нөмірлерге хабарласыңыз: 79-21-60, 77-12-92, факс: 79-88-96, 77-12-77.

Әдетте Астанада жылыту маусымы сәуір айының ортасында аяқталатын, алайда биыл күннің суытуына байланысты ғимараттар мен үйлерде жылыту жүйесі 10 мамырға дейін істеп тұрды. 

2017-2018 жылдардағы жылыту маусымы 27 қыркүйекте басталған болатын.


sputniknews.kz